القلب بالحب اتملا

القلب بالحب اتملا
فاض ف الخلا
وكل حل المسأله
شوقى اليك

***

من غير ما بمدح طلعتك
ولا حتي ابوح بمعزتك
فجأة لقيتني ف دنيتك
ساكن وكلي بين ايديك

***

لما تغيب راح الهنا
واما تعود افرح انا
قلبك قريب مننا
والطيبه باينه من عنيك

***

والدكتوراه دي قليله
انت مقامك سلطنه
تحكمها تملاها هنا
والمتر هيكونلك شريك

***

والمتر مش عايز مديح
شاطر ، لسانه كمان فصيح
تعبان وعايز يستَريح
وانا ليه ف تعبه كمان شريك

***

ما بخافش منك بسمعك
بردودي ممكن السعك
بالابتسامه بودعك
وبحضن دافي بلتقيك

***

بيني وبينك فى العروق
الدم يجري البال يروق
اتفلتت كل الفروق
وبعمري واكتر اشتريك

***

انا كنت ناوي اشحورك
يا دماغي ايه كان غيرك؟
كل الكلام راح واتسرق
واظن نونة داعيه ليك

***

ونونه ضحكه معطره
والرابطة بيها منورة
بسأل واقول يا هل تري
ياورد مين راح يشتريك

***

بين الكلام سكت القلم
بعد اما ادماه الألم
وتشوفنا نونه تتصدم
تحلف لننسى كلنا

***

وتروح وتيجي بالمرح
وعامله هتموت م الفرح
بس الضمير منها انجرح
مهي واحده برضك مننا

***

تضحك وشايله فى قلبها
احزان لناس بتحبها
وبتفتكرها كلها
وف قلبها وف قلبنا

***

نورك هنا مالي المكان
طب كنتي تيجي من زمان
ويَّانا راح تلقي الأمان
وانتي مكانتك أختنا

***

وللجميع انا بعتذر
بس القرار اصلا صدر
واللي لحق سجل هنا
نور كلامنا وعقلنا
من جوة قلبي بحبكم
وبحبكم ولهان انا

» ما زال فى القلب وطن
» وناسي القلب
» التفاح يفيد القلب ويقي من السرطان