اسمي هَنَـــــــــــــــا

اسمي هَنَـــــــــــــــا
اموره حلوة صغننه
عمري كمان سنتين انا
***
وبحب ماما واعزها
ومنايا اريح قلبها
اكبر واكون سند لها
وعليها ابقى حنينه
***
وبابا ده سيد البشر
مبغلبوش ابدا فشر
واللي ما بينا بيتحشر
ولا ياخد الا العكننه
***
احمد اخويا ودنيتي
وف قلبه ساكنه محبتي
فى عيونه شايفة معزتي
واللعب وياه سلطنه
***
بحلم بدنيا مزهرة
مليانه ورد معطره
بحلم اشوفها منورة
والعيشه تبقى مروشنه
***
بحلم ببكرة بالأمل
بحلم اخويا بيشتغل
بحلم بلدنا بالعمل
تصبح جنينه مزينه
***
هنوني على عيد الميلاد
وادعولي بالخير والسداد
وانا طالبه من رب العباد
فى الجنه نبقى كلنا