ارجـــــــــــــــــــــــــــــــــع لينا

ارجع لينا

ارجع لينا
ياللي بنورك كنت مالينا
حتى كلامك كان يسعدنا ويهنينا
ويخضر ف الكون حوالينا
ارجع لينا

ارجع هات وياك الفرحه
ارجع تاني
يفرح قلبى وتسعد روحي
واحب زماني
وتفكرني بأحلى ليالي
أحلى أماني
ارجع لينا وارجع تاني
علشان مافتكركش أناني

ارجع تتونس وحدتنا
ارجع و املا علينا حياتنا
كل جراحنا وكل آلامنا
تمشي تروح لو مع بعضينا
راح ترجع واللا انت ناسينا ؟

اقعد وحدك فكر مرة
حد حياته صبحت مره

ملاقيش حد يدوس على ايده
ليله طويل ونهاره طويل
وبيستني رجوع يوم عيده
ارجع تاني وامسك ايده
اصل ملوش ف البعد بديل

فكر فيه قول أي كلام
شوفه ولو يوم ف الأحلام
راح تلاقيه عايش ف ضلام
ارجع ليه او ارجع لينا
ماتسيبناش عايشين وحدينا

ارجع اصل غيابك طول
ارجع قول تاني من الأول
كل كلام قلته وحكيته
مش عم يزهق مهما تطول
ارجع وانصح فيه وعيه
د كلامك بيأثر فيه

وبيفتكرو لو وحديه
ويقول والله كلامه صحيح
ارجع علشان تبقى مليح

كل اللي انت بنيته زمان
فاكر واللا ناسيه البنيان ؟
بقى خاوي وملوش أركان
واقفين دايسينه تحتينا
وهيكمل لو ترجع لينا

ارجع واسمع مني كلامى
أصل بشوفك جاي ف منامي
صورتك دايما هنا قدامي

أما بشرق واما بغرب
بفتكرك وساعتها انا بهرب
من أفكاري بسرعه قوام
وعنيه اللي مهيش بتنام
ودموعي حقيقه وأحلام
واما بقابل صاحب ليك
دايما بقعد أشتم فيك

وبقول راح وسايبني لوحدي
كان صاحبي واخويا وكان والدي
وفراقه د شيئ صعب علينا
واهي دنيا بتتحكم فينا
وآدينا بنتمني ف يوم
نلاقيه راجع جاي يداوينا

وبقولك وانا قلبي عليلك
عطشان واقف جنب سبيلك
ارجع لينا وهات مناديلك
علشان تمسح دمع عنينا

وياريتك ما تكونش ناسينا