دكتور اسماعيل ( طبيب الأسنان )

دكتور اسماعيل ( طبيب الأسنان )

وكأن ما بيني وبينك عهد على سناني
علشان اصونها وتفضل كده مش وجعاني
صوتك وهمسك ما فارقشي ف لحظه وداني
ولقيت معاك الراحة ويا الحنيه

أوصف بإيه واتكلم كيف عن أوصافك
احساس اكيد بيحسو اي واحد شافك
أخلاق،أدب مع ذوق وتواضع وعفافك
لو هتسيبني راح اعيش ازاي انا وحديه؟

والعلم زين أخلاقك غير علاها
واللي تعامله ف مره يقول دي يا محلاها
دكتور دَ واللا واحد صاحبي يا جمال طه
والعيانين برضك بيحبو المداديه

والقلب مليان من حبك حوليه فايض
والله دانا حبي لقربك ياما وزايد
عدى الحدود لا تقولى لا مطروح ولا فايد
لو يوم تغيب بيعدي اليوم يمكن ميه

خليني اغير ف القافيه
انا مش هخشلك قافيه
دانا حتى بكتب بالعافيه
لاقي الكلام صعب عليا

علشان كلامي ما يوصفشي
أنا مهما قلت مهعرفشي
صدقني أنا ما بخرفشي
احساسي مش بالكميه

من يوم ما جيت حالي اتغير
بعد اما كنت صبي صغير
أفكاري بدأت تتنور
د جميل مردوش ف الدنيا

أنا دايما استنى تجيني
لو كلمه منك تكفيني
أو حتى رنه تنسيني
كل الآلام اللي عليا

وبقول واعيد ود ما يكفي
لو ميت ديوان مش هيوفى
مش ممكن اسكت أو أخفي
دي أمانه والشعر د غيه

وانا بشكرك على تقديري
وسامحني هنا على تعبيري
وكمان كتير على تقصيري
والقلب قدمته هديه

أتمنى لو يوم تقبلها
ما تردهاش تاني عليا

» هل تعاني من اصفرار فى لون أسنانك؟ بالرغم من أنك؟ لا تدخن ؟؟هل تريد ان تعرف مخاطر التبييض على الأسنان؟ والطريقة السليمة للتبيض؟