فك التكشيـــــــــــــــــــــــــــــــــــــرة

فك التكشيره

طب ليه يا صاحبنا مغلبنا
وتاعبنا كتير ومعذبنا
لو بصيت ف مرايا تلاقي
مكتوب على وشك شطبنا

واقف ف الكشك وليه مكشر
على وشك فقرك متنشر
والرد الناشف من طبعك
وبسرعه وكأنه محضر

بياع واللا غاوي مشاكل
تكشيرتك لو شيئ يتاكل
كانت كل الناس هتجيلك
وهتدعي عليك بعد ما تاكل

بحبحها وفك التكشيره
تكشيرتك صعبه وخطيره
لو تتفك ف بنك أوروبي
هتجيبلك ميت مليون ليره

الرزق يحب الخفيه
والضحكه كمان والحنيه
فتح عينك بص عليا
خلي كلامك يوم يعجبنا
وبلا ش يا صاحبنا تعذبنا