أحلف ميت يمين بالله

أحلف ميت يمين بالله

ولو سألوني أحلف ميت يمين بالله
واقول ماحلى الكلام ده والله ماأحلاه
كلام مش هتلاقيه لو لفيت الدنيا
كلام مش هتلاقيه إلا ف كتاب الله

حياتك من ساعة ما بتيجي عالدنيا
مماتك بعد ما تفارق حياه فانيه
وكل الكون دقيقه دقيقه والثانيه
مسطر بس مين يفتح كتاب الله

وتحفظ تلقى كل الدنيا تتغير
وتلقى العقل يوم ورا يوم يزيد يكبر
ويعلى وينسى كل الشر يتغير
عشان مليان بأحلى كلام كلام الله

تلاقي الناس تقربلك و هتحبك
عشان معنى الكلام بيدق على قلبك
ساعتها تكون مع مولاك وهيعدك
من الناس اللي هيكونو ف نعيم الله

ولو تقرا تزيد حسنات ما تتعدش
وهتعتع تاخد أجرين ما تتردش
وف الجنه تزيد درجات بترتيلك
لحد ما تبقى يومها ف جار رسول الله

ولو عايز الحياه اكسبها بالقرآن
ولو آخره هتضمنها مع القرآن
ولو الاتنين عايزهم يبقى بالقرآن
ودي وصيه وسابهالنا رسول الله

ولو سألوني أحلف ميت يمين بالله
واقول ماحلى الكلام ده والله ما أحلاه
كلام مش هتلاقيه ف مكان على الدنيا
كلام مش هتلاقيه إلا ف كتاب الله