يا مالي عليا أيامي

مالي عليا أيامي

يا مالي عليا أيامي
وأحلامي منورها
ياغالي والمقام عالي
وأنفاسي مصبرها

يا واحد منا ف العيله
يا زهرة حب وجميله
تشيل ويايا ف الشيله
ودايما ماشي قدامي

يا حب كسبته ف حياتي
عرفت بمكسبه ذاتي
وف الضلمه د مشكاتي
و جه م الضلمه عداني

وخلاها شعاع من نور
وكنت وحيد انا ومكسور
وكنت اغرق ف وسط بحور
أخد ايدي ونجاني

يا عالي وانت مين قدك
بقلبي ما ينتهي ودك
ومليون بوسه على خدك
دي ما تكفيش وابوس تاني

سامحني رغم تقصيري
ولو هيخوني تعبيري
اقولك امتى يا طيري
هتقبل مني عرفاني

وشاعر باللي بيقوله
وبفرح ياما بوصوله
وكل الناس بيدعوله
يزيده ربنا تاني

ويوم ورا يوم ف قلبي يزيد
ويعلى ويبقى حبه شديد
د يوم ما عرفته كان يوم عيد
وأمَّا معاذ د عيد تاني