عــــــــــــــــــــــــــــــــــــايش

عايش

انا اللي داير ف الرحي
فجر وضحى
حد المسا

ولا لاقي عيشه مرحرحه
ولا لاقى لقمه كويسه

انا اللي مدفون بالحيا
ضهري انحنى
عودي اتكسر
وانا اللي راضي بالقدر
مهما قسى

انا اللي نومتى عالتراب
شارب عذاب
عايش وعيشتي كتير هباب
وماسكه فيا الهوسه

عايش بكمل اكلي نوم
حتى الهدوم
مكسوف من المنظر اقوم
من كتر ما متعفصه

ماشي ف جنب الحيط
وخايف م القانون
وعلى الخلايق كلها
دايما بهون
كل العيون
عليا ليه متجسسه؟

عايش وراضي بالقضا
متمني يوم لحظة رضا
عايش وعيني مغمضه
ومغمغمه
وملمصه

عايش بقاسي ف الزمن
من غير تمن
جربت انا كل المهن
حتى خياطة الالبسه

و ف ليلي باصص للسما
طالب الأمان و المرحمه
راجي الإله يروي الظما
ويودي ابني المدرسه