...........................اتهدي .................

ايوة جمالك شئ مش عادي
ايوة خدودك تفاح وردي
ايوة عيونك سحرها يقتل
حبك لا براحتي ولا بيدي
.....
وكلامك ساكن في خيالي
والضحكة أما يجيلك ردي
والهمسة بسمعها ودايما
على باب القلب وبتهدي
......
طول الوقت ف بالي خيالك
رايحة وجاية .. ياريت تتهدي
سهرتيني الليل اناديكي
ونهاري .. ولا مرة تردي
.......
وبقولك خافي على قلبي
علشان أصلا مانتيش قدي
حالي اتلخبط عقلي اتحير
كله يهون .. بس انتى اتهدي

اقتليني بالبطئ
سيبي قلبي لوحده ينهار ف الطريق
اوعى تنسى وترمى قشه لطير غريق
اوعى مرة تقولي كلمة تبل ريق
...
دوسي على كل اللي فات
قولي مات ..يلا ادفنيه
امحى كل الذكريات
من ماضينا واعدميه
بدلي حبه باهات
واضحكي لو تسمعيه
...
وانسي كل عشق كان لو تقدري
وانكري كل مكان واتغيري
انسي دمعه جت عشانك
وانسي لما كان حنانك
الهوا اللي اتنفسوه
وانسي لما ضحكتك
الغنا اللي بيسمعوه
انسي وانسي بس حسي
بالعذاب اللي شافوه
....
عادي انسي اي حاجه
واللي كان أهل وصديق
اللي كان ونيس ف ليلك
والخلاص لو وقت ضيق
واوعدك هتهنى لما
تقتليني بالبطئ
....