سلاسل م الدهب

سلاسل م الدهب نازلة على كتافك
سعيد قلبي عشان عايش بأنفاسك
سنين عمري راح اوهبها عشان خاطرك
سعادتك عندي بالدنيا واحساسك
***
لقيت نفسي انا معاكي وحبيتها
لقيتني رجعت من تاني لزي زمان
ليالي تعدي من عمري ومعدودة
لقاكي دا احلى م الدنيا وبهجتها
***
وليه غبتي على قلبي وطولتي ؟
وليه كنتى بعيدة هناك ما قربتي ؟
وأقولك إيه عن احساسي وعن حبي
واعيش ازاي لو سبتيني وبعدتي ؟
***
يا ساكنة القلب وبحبك مواعداني
يا جايبة الفرحة وياكي يا عاشقاني
يا مالكاني يا سحراني يا واخداني
يا حب وجه على سهوة .. ولحظة بلحظة واحشاني
..