انت حلم جميل مسكَّر

انت حلم جميل مسكر
حلم خلى الدنيا سكر
خايف اصحى ف لحظه منه
لو بعدت انا مش راح اقدر
وانت حلم جميل مسكر

انت دنيا عشت فيها
الحنان فايض ماليها
نفسي اقدر اشتريها
لو بعمري ادفع .. تصور؟؟
وانت حلم جميل مسكر

انت مالك كل عقلي
قلبي عايش جوه منك
صورتك الحلوة ف عنيا
احلى صورة ودا لأنك
اللي فيه دايما بفكر
وانت حلم جميل مسكر

لما تزعل مرة مني
افتكر انى بحبك
وافتكر شعري وكلامي
وانى ليك اقرب حبايبك
حبي ليك من نفسي أكتر
وانت حلم جميل مسكر

أما تبعد عن عيوني
يفضل الصوت جوه مني
وافتكر لمسك وهمسك
عيني تدمع غصب عني
والبعاد فيا يأثر
وانت حلم جميل مسكر

اوع تنسى حبي ليك
وافتكر كل المشاعر
لو تدور هتلاقيك
اغلى من كل الجواهر
بالكلام مش قادر اعبر
دانت حلم جميل مسكر

فى الختام مديت ايديا
خلى كفى ف حضن كفك
بالأمان ويا المحبه
بالحنان قلبي يلفك
حبى يوم عن يوم بيكبر
وانت حلم جميل مسكر