حسن محمود
عضو نشيط
عدد المساهمات : 88
تاريخ التسجيل : 08/05/2011
 |  موضوع: هـــــــــــــــــــــــــــــــو ( 1 )  الجمعة أبريل 27, 2012 1:47 am | |
| هو ( 1 )
كل الكلام د عليا انا ؟؟؟
انا اللي بجرح وادبحك ؟
انا اللي ضيعت الهنا ؟؟
انا اللي هديتك وضيعتك
وشربتك ضنا ؟؟
أنا اللي كانت يوم جراحك
عاصرة قلبي مموتاه
أنا اللي زعلك لو بسيط
كان يعكرلي الحياة
انا اللي ياما كنتي تتمني رضاه
انا اللي ياما دوقك طعم الحياة
واللي ياما بدمعه نساكي الألم
والألم ساكن حشاه
واللي كان هاجر منامه
لو تعبتي ...
وكان مناه
تنسي التعب ويا الألم
تحلى الحياة
لو نسيتي اللي عملته
مش مهم
المهم ود الأهم
ان قلبي اللي انظلم
اللي ياما شاف ألم
اللي كانت ابتسامتك ليه نغم
أجمل نغم
واللي كانت خطوتك
بتدق يرفعلك علم
قلبي اللي حبك حب ينطقله الصنم
قلبى اللي عاشلك فرحتك
وكان جزاته يتصدم
القلب ده
مش هينسى ف يوم
حبيبته
مهما راح تقسي عليه
مهما تفضل تهجي فيه
مهما راح تنكر فى حبه
وتداريه
قلبي ده مخلوق عشانك
واللي ساكناه جوة انتي
انتي بس اللي حبيبتي
واسمعي كلمة حبيبتي
هتلاقيها طالعه منه
طالعه منه ليكي انتي
مهما يوم راح تجرحيه
وتعذبيه
يفضلك انتي
مهما تتهميه ولو باطل
معندوش غيرك انتي
انتي هناه وانتي المني
مهما يدوق هجر وألم
مش راح يدق لغيرك انتي
ولو حكمتي يتعدم
قلبي الجريح بيحب منك كل شيئ
حتى الألم
وياما جواه انكتم
قلبي اللي حبك
جاي يترجاكي يمسح دمعتك
جاي يبوس ايدك وهيبوس وجنتك
جاي يغير فرشتك ومخدتك
ويمسح الليل اللي ساكن وحدتك
ويونسك ويفرحك
وينور الوش الجميل بضحكتك
عارفك مسامحه وياما كان قلبك كبير
عايزك تعودي
ترشي ع الدنيا العبير
عاشقك انا
طمعان فى احساسك كتير
عارفك مسامحه وياما كان قلبك كبير
بلمستك
هترجعى لقلبي الأمل
بضحكتك
هنسى خلاص كلمة فشل
وف دنيتك
هبدر أنا زهر العمل
وف حضرتك
هكتب ف شعري والزجل
ويوم ما هتسامحى
هقول عذابي خلاص رحل
| |
|
