ازاي نعيش من غيرك ؟؟
ازاي نعيش من غير حبيبة قلبنا ؟؟
وازاي نكون لما انتي غايبه مش هنا ؟؟
ده مش كلامي .. ده كلامنا كلنا
واحلف بانه نبض روحنا وقلبنا
دي أمنا
لا أختنا
لأ بنتنا
مش بس واحده مننا
دي كل حاجه عندنا
اللي تعلمنا الحنان
اللي تعرفنا الهنا
اللي بتدينا الأمان
واللي بتسعد وقتنا
ازاي نعيش من غير حبيبة قلبنا؟؟؟
شوفو المكان من غيرها ضلِّم واتنسي
بعد اما كان نوره يبان صبح ومسا
والقلب بيرفرف وتعبان م الغياب
مبقاش يشوف من غيرها حاجه كويسه
مبقاش يحس الراحه داق طعم الضنا
وازاي نعيش من غير حبيبة قلبنا؟؟؟
عودي وداوي كل قلب بيعشقك
ومتسيبيش حاجه حزينه تسرقك
انت اللي منك كلنا عرفنا الشموخ
عودي وبالحب الحنان هنغرقك
وما تكسفيش بالله عليكي دمعنا
اهو جاي يترجاكي تبقى جنبنا
وازاي نعيش من غير حبيبة قلبنا ؟؟؟
موضوع: ازاي نعيش من غيرك ؟؟؟ 
الأربعاء فبراير 29, 2012 6:28 pm