إمسكى نفسك يا مصر

إمسكى نفسك يا مصر

إمسكى نفسك يامصر
ياما دقت على الراس طبول وختمت بنصر
ده كل بيت صغير فيكى قصر
مفيش عادى يقدر يعادى إلا ونهايته العصر
أنا بدعى فى صلاتى ضهر وعصر
يحفظك المولى وتعيشى يامصر
ناسك كتير طيبين مسلم مسيحى من غير حصر
واسألوا جرجس وعم نصر
حسن ومرقص دول أخين
القلب واحد والرب واحد للاتنين
مدنة وكنيسة جرس وأدان
الوطن للكل والدين للديان
وهلال بيعانق صليب من بحرى لأسوان
فى مصر العم مسلم والخال مسيحى
والعدرا مريم ساكنة فى ريحى
عشانك أضحى وافديكى بروحى
ماانتى اللى دايماً تلملمى جروحى
مين دول اللى عايزينك تنوحى
مين دول اللى خايفين تبوحى
دول مش مننا وعايزينك تروحى
حالفين ولادك من أسوانى لمطروحى
نصون ديارك ومعاكى منين ماتروحى