ولاد مصر

ولاد مصر

فرحان أنا بالولاد
البيض و السمر الشداد
بشوف في عينيهم عناد
أحمد و مرقص و عماد
و كمان سعاد ويا جهاد
بقوا لينا نور و رشاد
نوروا الدنيا بعد السواد
و قالوا مافيش فرقة و لا بعاد
حددوا ساعة و معياد
و قاموا بثورة عالفساد
بعد الظلم ما ساد
و بعد الهم ما زاد
صرخوا في وش الجلاد
إحنا رجالة و رواد
سطروا بإيديهم ميلاد
مصر الأبية أم البلاد
سجلوا بإيديهم أمجاد
خلونا في عين الغير أسياد
ربنا ينصركم يا ولاد
خليتوا أيامنا كلها أعياد