الناس مقامات

الناس مقامات

الناس مقامات ومقامك سيكا وبياتى
عالى ومظبوط عند آلاتى
وصوتك نغمات محتاج عواد ويا ناياتى
وقوام مياس تتغنى الناس بيه ليلاتى
وبقول كلمات واهديكى كمان سلاماتى
إنتى الوتر والعود ليكى منى تحياتى
إنتى الدوا والمداوى للى زى حالاتى
إنتى شمسى إنتى ضلى فيكى كل احتياجاتى
بعد منك إيه فاضللى غير آناتى
ماانتى الماضى إنتى الحاضر والآتى
ومعاكى اتغيرت وغيرتى كتير فى صفاتى
ليكى طلعة بهية بتأثر فيا وفى ذاتى
واما تهلى ولا تطلى بتروح منى آهاتى
أنا نفسى أقولك صباحى وبياتى
البعد عنك نار وفى قربك انتى نجاتى
تبعدى عنى تبقى حكمتى بوفاتى
قربك منى هو كل حياتى
أنا بدعى المولى فى كل صلاتى
يبعد حسادك ويزيد أعيادك ودى أمنياتى