حكاية شجن

حكاية شجن

حكاية فيها شجن فيها ألم ودموع
غيام ظلام ومطفية الشموع
الحزن كاسى كل الربوع
ودمع زى الحجر بس البكا ممنوع
من كل وادى اتجمعت الجموع
فقدنا الغالى وراح من غير رجوع
كان الوفا كان الدفا كان ينبوع
كان ونيسى كان جليسى كل ده من أسبوع
كان دنيتى كان سكتى وحقى المشروع
دلوقتى أصبح مركبى من غير قلوع
وسهام بتجرح فى قلبى وفى الضلوع
بقيت زى شجر من غير غصن ولافروع
ندهت عليه بصوت مسموع
ماتسيبنيش انا وحدى فى آلام موجوع
سمعت صوت من مكان عالى ومرفوع
كل واحد له حساب لازم يكون مدفوع
يارب صبرنا على فراقه ويكون عندك مشفوع
هى دى الحكاية وهو ده الموضوع