أحلي الصبايا

أحلي الصبايا

اليوم ده عيد وازاى يبقى عيد وانتى مش معايا
ماانتى عيدى وبقولك عودى ياأحلى الصبايا
حسيت فى بعدك بآلام كتير ومحتاج العناية
كشف الطبيب وقال مجروح القلب ومحتاج الرعاية
وقالوا الناس ده اتجن وموصوف له السرايا
أنا كنت خيال وراسمالى ويايا
حب ووفا وكمان صفا من بدرى جوايا
أصبحت ميال وقلبى مال لزينة الصبايا
ماانتى الشمس وانتى الضل إنتى أرضى وسمايا
بعد منك خلاص حضل وصبحى بقى زى مسايا
إفتكرى أيامنا الحلوة ولا انتى بقيتى نساية
وحياة الحب اللى جمعنا كفاية بعد كفاية
تعالى ننسى اللى وجعنا ونبتدى الحكاية
حكاية حب ولها معنى ده الهوى هوايا
أبصم بالعشرة انا سلمت وكمان رفعت الراية
واحلف بحياتك لو خنت تبقى هى دى النهاية