نشرة الأخبار

نشرة الأخبار

في نشرة الأخبار سمعت عنك أخبار
بيقولوا إنك سكن قلت السكن والدار
بيقولوا ملاك مش بشر والكل فيكى احتار
فيه اللى راح للأطبا واللى موصوف له العطار
ظلموك ووصفوك بالقمر هو القمر يطلع بالنهار
عليكى خطوة تهد جبال على خطوتك الجبل انهار
وكل اللى شافوكى وكمان سمعوكى قالوا يانهار
واما تهلى ولا تطلى تلقى الكل فى انتظار
ولا عيونك ربى يصونك كلها أسرار
كل عاشق وله قمر بس إنتى كل الأقمار
كلمة بقولها من قلبى وفيها اختصار
مش بس السكن والدار إنتى كل الدوار
إنتى الشمس إنتى الضى إنتى الأنوار
وان غبتى عن عيونى أدوق بدل المر مرار
مابقاش قدامى اختيار إما الجنة وإما النار
سألت فين أراضيكى قالوا عمار يامصر عمار