حراميه خمس نجوم
حرك لسانك ما تخافشي وما تتهجاش
د بلدنا زاد فيها الأوباش وباعوها بلاش
مستثمرين ورجال ف الدين وسياسيين
والخبره ديه منين يا معين بره ما شفناش
أخدوه بلادهم بره حووه وكمان سحروه
والمخ والله يا ناس مسحوه وملوه قلاش
راجع ينادي أنا المصري إنسان عصري
والدم ف عروقي بيسري وما بحسبهاش
يتسلى ويبيع ف بلدنا وحق ولادنا
يطلع ويخطب عالمدنه ياللا يا أوباش
م اليوم خلاص راح اشغلكم وأوكلكم
وكمان هعلم اولادكم وراح ادفع كاش
يعمي العيون ويغميها ويخليها
تشوف بلادي اللي سابيها وتديها طناش
وف النهايه يخون ناسه ويشتري راسه
وبلدنا يعلن إفلاسه وما ينكرهاش
موضوع: حراميه خمس نجوم 
السبت مايو 14, 2011 9:53 pm