حب إيـه

حب إيـه

حب إيه ياعم ما كفاية حرقة دم
قلنا نحب وحبينا شيلونا الهم
هما يومين عشناهم و الباقي غم فى غم
سوقت عليه ناس ياما لا خال نفع ولا عم
الخيانة طبع فيه وكنت ادارى والِم
كداب غدار وأنانى وخدعنى بأدبه الجم
أتاريه بيشخص دور ورسمه عليا فى فيلم
عيشنى فى دنيا جميلة أتاريه كان حلم فى حلم
كان دنيتى كان فرحتى بس فرحى ماتم
كنت أطبطب وأدادى ومفيش مرة اهتم
بعد ده كله يقول عديها أنا قلت اتلم
منك لله هشكيك للعادل اللى مايرضاش بالظلم