رسالة إلى المجلس العسكرى

رسالة إلى المجلس العسكرى
منور يا عم مجلس
بجد مش هزار
حافظ على الاستقرار
حاول بفكرة حلوه
تريح الثوار
بسرعة ما تأخرش
ذى أخونا الى طار
خلى استجابتك أسرع
لنوقف الحوار
وندخل البلكونه
وننشر الاخبار
وتقول خلاص هتنحى
نقولك بلغ فرار
***************
صدقنى يا عم مجلس
بجد مش هزار
حافظ على الاستقرار
ونحلف اليمين
ونرجع الهاربين
فلوسنا هربوها
وأثارنا بدلوها
خلوها فالصو فالصو
بعد ما كانت دهب
خلونا نيام نيام
وخضعنا للسلام
ونجلا والحصان
وركبوا اللجام
للشعب الى انجلد
بصم لهم بالعشره
وقال نعم يا أسياد
انتوا أصحاب البلد
وأمركم مطاع
عاوزين جمال مبارك
يحيا جمال جمال
تبدلوا الاسامى
يحيا عمر سلمان
تسلموها للعسكر
ضحك الواد وكركر
من عسكر لعسكر
يا قلبى حذر فذر
هيحكمونا العسكر
ولا الشباب هيعسكر
من تانى فى التحرير
يا اخوانا ما تصارحونا
وتفهمونا الفولا
وان كنتم قرفتوا منا
اعصروا الليمونا
هوا مبارك بيحكم
ولا ام جمال بتلطم
ولا مين الى فيكم
هيحلف اليمين
**************
صدقنى ياعم مجلس
أنا كنت من الثائرين
وبت فى التحرير
وعرفكوا محترمين
بس النهارده خايف
ليضحكوا علينا
ويسرقوا التحرير

[table][code]

بجد كلام روعه جدا الف مليون شكر عليه

» رسالة إلى مشكلة