دكتور / إسماعيل عبد المالك محمد إسماعيل
عزيزى الزائر هذه الرسالة تفيد أنك غير مسجل فى المنتدى وندعو لك بتصفح سعيد فى المنتدى كما نتمنى مشاركتنا بآرائك ومقترحاتك لتطوير المنتدى هذا بالاضافة الى تشريفنا بستجيلك معنا لتكن استفادتك اكبر واكثر عمقا

دكتور / إسماعيل عبد المالك محمد إسماعيل

رسائل وأبحاث ومقالات علمية, شعر وخواطر وقصص قصيرة , مقالات أدبية , جمعية خريجى المعهد العالى للتعاون الزراعى, دكتور اسماعيل عبد المالك
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قلبي اتوجــــــــــــــــــــــــــــــــــــــــــــــــــــــع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن محمود
عضو نشيط
عضو نشيط
avatar

عدد المساهمات : 88
تاريخ التسجيل : 08/05/2011

مُساهمةموضوع: قلبي اتوجــــــــــــــــــــــــــــــــــــــــــــــــــــــع    الإثنين نوفمبر 14, 2011 12:38 pm

قلبي اتوجع

قلبي اتوجع من أنتك
والدمع نازل ع الخدود من غير عدد
ازاي عرفت سكتك ؟
ازاي دخلت ف دنيتي ؟
ازاي سكنت ف الحشا
وازاي تكون انت الآمان من وحشتي
وانا لسه عارفك من يومين
وازاي وفين ؟
صدفه ومحلاها الصدف
م الحب دا قلبي اتخطف
وانا قلبي طاهر والحنان
ساكنو ماليه
طب بس ليه
تدخل وتسكن فى العلالي
وتوجعه
هيموت ف يوم ما تودعه
هيتوه وإنت ترجعه
هيروح بعيد عن مضجعه
قلبي اللي حاسس بالتعب
مليان شغب
مليان وساوس ويا افكار من حطب
وادي الحطب
ولع وشعلل فى الحشا
قلبي مشى
رايح يدور عاللي كان
هو الحنان
هو الأمان
هو اللي كان
فى الشده يسند وقفتي
هو اللي كان
فى الوحده وانس وحدتي
هو اللي كان
فى الضلمه شايل شمعتي
هو اللي كان
هو اللي كان
وياريته كان ده من زمان
واللا ياريته دا ما كان

كل الحاجات اتلخبطت
واتبدلت واتبهدلت
والدمع نازل مالي اركان المكان
مبقتش حاسس بالأمان
مبقتش حاسس بالحنان
مبقتش عايش دنيتي
زي اما كنت فيها عايش من زمان

ارجعلى تاني ياللا نور دنيتي
خليني اكمل رحلتي
نورلى شمعه ف ضلمتي
ارجع وشيل كل الألم
من سكتي
عدي على الوقت اللي راح
شوف هتلاقيه مليان جراح
وانا اللي ضاق بيا البراح
والدنيا صبحت ما تساويش
جرة قلم
ارجع وشيل مني الألم
اقرا كلامي اللي انكتب
عيد تاني عمري اللي اتحسب
من غير ما احس بحتي لحظه حنينه
راح الهنا
وبقيت هنا
واقف أنا
شايف العذاب ويا الضنا
غير النكد والعكننه
ارجع عشان خاطري انا
ما بقتش متحمل بعاد
ما بقتش قادر ع الأسى
تعبان وحاسس بالهزل
والصوت د مات
والقلب دا خلاص اتعصر
مبقاش هيتحمل عذاب
مبقاش شجاع
عدي عليه فات الزمن
اصبح خلاص ملوش تمن
ولا حد يوم راح يدخله
اصله خلاص لا يؤتمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قلبي اتوجــــــــــــــــــــــــــــــــــــــــــــــــــــــع
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور / إسماعيل عبد المالك محمد إسماعيل :: إلا الشعر يا مولاى :: الشاعر حسن محمود-
انتقل الى: