أمــــــــــــــــــــــــــــــــــا بعد

أما بعد

أما بعد
الموضوع محتاج لرد
الموضوع محتاج لصد

رد ايه وصد ايه؟
راح نرد بعد ايه؟

احنا نستاهل وأكتر
العقد تزيد وتكتر
كل ما نبدأ نفكر
يطلعولنا بألف سد

النهارده انا جاي اقول
عن إهانه للرسول
عن كلام من غير عقول
عن غلط ملهش عد

يعني ايه حره الصحافة ؟
يعني ايه؟

يعني تغلط يعني تلعن
والغلط نسكت وما نردش عليه؟

يعني ايه حره الصحافة يعني ايه ؟
يعني ايه؟

يعني ايه يا عقل غربي
مش لاقيلك أي فرصه
مش لاقيلك أي مدخل
جوه دينا تعدي بيه

طيب اسمعني يا بيه

احنا أمتنا بتضعف
بس مش ممكن تموت

واللي طمع غيرنا فينا
هو يمكن السكوت

واما جرح بسيط يصيبنا
خاصة لو كان حبيبنا
يرجع النبض لقلوبنا
وينادينا بأعلى صوت:

عودي للإسلام يا أمه
ياللا لمي الشمل يامه
ياللا جه وقت المهمه
غلطه ما يصحش تفوت

الايدين مع بعض نرفع
كلمه واحده الكل يسمع
وف ساعتها العالم اجمع
راح يشوف آخر السكوت

وانا بتوعد واهدد
وف وعيدي بزيد واردد
تاني اقول احنا بنضعف
بس مش ممكن نموت