اعتـــــــــــــــــــــــــــــــــــــــــــــذار

اعتذار

مش هسامح مره نفسي
جاي نادم عاللي كان
جاي نادم بعتذرلك
وانت مفتاح الأمان
وانت أهلى وانت ناسي
وانت حبي والحنان
وانت دنيا عشت فيها
وانت راحتي من زمان
لو هتقبل اعتذاري
يمكن اخلص م العذاب
أما لو هتسيبلي ناري
هنكوي بنار الحساب
عمري ماتخيلت مره
انك تزعل مني يوم
وانت صاحبي وانت خلي
وانت جلدي والهدوم
وانت تاج فوق راسي لامع
وانت اوفى م الصحاب
شوف هقول والكل سامع
شوف راح اعمل انقلاب
واهجر الراحه واسيبها
واهجر الناس والمنام
لو هتفضل مني شايل
يبقى عالدنيا السلام
بس انا عارفك مسامح
شايف الطيبه ف عنيك
وانت لو مره تدور
جنب قلبي هتلاقيك