وجـــــــــــــــــــــــــــــــــع البعـــــــــــــــــــــــــــــــــــــــــاد

وجع البعاد

ببكي بدمع العين وانا بعيد عنكم
واتمنى طرفة عين وابقى قريب منكم
واقوم ف عز النوم اصرخ واقول فينكم
يا أغلى من نفسي وأعز من عيني

حسيت كتير بالألم لما بعدت بعيد
و مسكت طرف القلم لكن مكانش سعيد
من غلطي فى حقكم فعلاً ندمت أكيد
سمع القلم للندم وبكايا وأنيني

قال القلم ما خلاص قربت اهو تروَّح
وحس قلبه اتوجع من كتر ما بنوح
أصلي بعيد عنكم والله متسوح
بردان وتحت الغطا على مين يدفيني

رديت عليه قلتله اسكت شويه يا قلم
وبلاش توصيني علشان كلامك عدم
حاسس ببنياني فى بعدهم انهدم
يا هل ترى قلبهم فاكر ولا ناسيني ؟

قام رد قلبي وقال اسكت كلامك عبط
وكل تفكيرك طبعاً غلط فى غلط
من بعدك اللي طال قلب حبيبك هبط
عايز الحنان والدفا والحب وحنيني

وارتحت قلت خلاص سيبك من الأفكار
وبلاش تعيش ف التعب وكمان تعيش ف النار
د كل ليل ييجي لازم طالعله نهار
وحلفت يوم ما هشوفهم أوهبلهم عيني
بُعد الحبايب عذاب ناره بتكويني
(الاسكندريه – سموحه – بيت شباب الأزهر -5 / 4 / 2009 )