.............غلاسة .........

غلاسة
بقلمي .. اليوم
..
هغلس عليكي
واطلع عنيكي
ما دمت بحبك
هريح مزاجى
...
ترني عليا
بعتى رسالة
وقلتي تعالى
هقولك مش اجي
...
هتلوي ف بوزك
هعمل عبيط
تعلي ف صوتك
بحب الصويت
تقولي كفاية
تزيدي الحكاية
خناقة معايا
وعقلك يشيط
...
اشوف بوست فيس
اعلق عليه
وارخم واغلس
واقول ابصر ايه
كلام مش مفيد
بغازلك اكيد
واعاكس واشاكس
واقول ايه وايه
...
مادمت بحبك
هعيش بيكي عيل
ف ضحكك غنايا
وحزني قليل
ولو يوم زعلتي
اصالحك يا بنتي
وامى وحبيبتي
يا كل الحبايب
يا خلي اللي حاضر
وخلي اللي غايب
يا قلبي اللي ملكاه
كبير محتويكي
واعيش عمري كله
اغلس عليكي
واطلع عنيكي