حسن محمود
عضو نشيط
عدد المساهمات : 88
تاريخ التسجيل : 08/05/2011
 |  موضوع: هــــــــــــــــــــــــــــى ( 1 )  الجمعة أبريل 27, 2012 1:48 am | |
| هي ( 1 )
نفسي ترجع ليا تاني
نفسي أتلفلف ف حضنك
وانسى ايام العذاب
نفسي تنشف يوم دموعي
والوجع يهجر ضلوعي
ترحم القلب اللي داب
نفسي أضحك تاني وافرح
كنت فاكراك مش بتجرح
ذنبي ما عملتش حساب
للألم والهجر والخوف
اللي بيا
والأسى وطول الغياب
ليه تسيبني ف غربة وحدي
بص حتى بطرف عينك
افتكرني لو للحظة
تايهه بنده بس فينك ؟؟
عمري ما اتخيلت انك
تدبح القلب اللي صانك
عمري ما اتصورت مرة
انحرم يوم من حنانك
ولا كان يخطر ف بالي
تبقى انت اصل جرحي
ولا كان ييجي ف خيالي
عن عنيك تبعد ملامحي
بكرة راح ترجع وتترجاني
مش هسمع كلامك
مش هصدق تاني قلبك
او لسانك
امشي من ايامي سيبني
روح وخد وياك مكانك
وابتسامتك خد حنانك
خد أمانك
سيبلى قلبي اللي خلاص
داس على كل اللي راح
اوع تيجي تقول سماح
السماح
ينطلب من حد راح ينسي الجراح
ينطلب من حد قلبه مستباح
أما انا ......
مش هسامحك لما تحكي
واللا تبكي ميت سنه
مش انا
لو كنت فاكر اني واحدة حنينه
او حد قالك مرة اني هينه
يبقى أكيد دي مش أنا
اللي شفته من عمايلك
هدني ضيعني نساني الهنا
اقفل الباب من وراك
ما تسيبوش ابدا موارب
اصلى هنسى سكتك
ومعزتك
ومحبتك
واللي شفته ف دنيتك
واللي منه القلب شارب
امشي سيبني اصل انا
مش فار تجارِب
| |
|
