حسن محمود
عضو نشيط
عدد المساهمات : 88
تاريخ التسجيل : 08/05/2011
 |  موضوع: هـــــــــــــــــــــــــــو ( 2 )  الجمعة أبريل 27, 2012 1:45 am | |
| هو ( 2 )
آسف على اللي كان
ندمان على فعلى
راجى السماح والرضا
وحبيبي يرجعلى
وافتكري ايام الهنا
دي كفيله تشفعلي
وافتكري نوحي ودمعتي
وافتكري آلامي
وافتكري إني سهرتلك
وتركت أحلامي
وافتكري لما شيلتلك
الهم فوق همي
وافتكري لما قلتلك
فداكي أيامى
كل اللي فات راح واندفن
شاري انا قربك
والعهد هاخده من هنا
حتى اسألي قلبك
هعيش لحبك مهما كان
واسلك كمان دربك
هعيش عشان ادفع تمن
كل اللي فات جنبك
وهفضل بالوفا عايش
واعيشلك بس ولوحدك
واخلَّص م الهموم زمنك
وادور فين طريق سعدك
واجيبلك حلمك الوردي
وأسقى بالحنان وردك
ويشهد ربى على عهدي
يقدرني أصون عهدك
وهوهبلك سنين عمري
وروحى هدية وياهم
وادوس الشوك عشان خاطرك
واجافى الكل وانساهم
واقدم كل اخلاصى
وهنفى اللي انتي كارهاهم
حبيبة قلبي محتاجلك
ياست الكل واحلاهم | |
|
