حسن محمود
عضو نشيط
عدد المساهمات : 88
تاريخ التسجيل : 08/05/2011
 |  موضوع: هــــــــــــــــــــــــو ( 3 )  الجمعة أبريل 27, 2012 1:43 am | |
| هو ( 3 )
مش قلت انا قلبك كبير ؟
مش قلت انك جوهرة ؟
مش قلت اجمل حاجه روحك
زهرة حلوة معطرة ؟
بس الحقيقه هيه اني
ياما قلت هل ترى ...؟؟
بس اما كنت اقعد لوحدي
كان خيالي يدلني
كان يقولي دي حبيبتك
كان كلامه يهزني
وكنت ياما بصدقه
واقوله يومها هحضنك
لكن شيطاني
كان ساعات بيوزني
ويقولي دي راحت خلاص
كلامه كان بيهدني
مش هوعدك انى هكون
لعنيكي فرحه وابتسام
او هوعدك اني اكون
واكون واكتر ف الكلام
لكن تسامحي بعد جرحي
تنسي ذنبي وتغفريه
لو عشت طول العمر ليكي
هوفى ايه واللا اوفى ايه ؟
قلبي عرف تاني الفرح
مع ان قلبك انجرح
اصل القلوب الطاهرة دايما
شوفى بتقابل بإيه
بس اسمعيني بقلبك المليان حنان
ياللا افتحيلي الحضن يرجعلي الأمان
وتعوضيلي كل لحظه عشتها
راحت وسجلها فى اوراقى الزمان
والذنب ذنبي وبعترف ما تفكريش
ياللي ملاكي الحب غيره ما تعرفيش
وان طالت الايام ما بينا بوعدك
غير حب قلبى غير حناني ما تلاقيش
ما تنكريش
ما تنكريش اني ف حياتك
زهرة حلوة معطرة
ما تنكريش ان الحياة
بوجودي فيها منورة
ما تنكريش ان اللي راح
م العمر قبلي ضاع هدر
وما تنكريش ان اللي جاي
من غير وجودي يكون كدر
وما تنكريش الذكريات
اللي فايتها مسطره
على وجنتك
اول ما تفتكريها تترسم ابتسامتك
بيها تنزل دمعتك
وانا مش راح انسى معزتك | |
|
