دكتور / إسماعيل عبد المالك محمد إسماعيل
عزيزى الزائر هذه الرسالة تفيد أنك غير مسجل فى المنتدى وندعو لك بتصفح سعيد فى المنتدى كما نتمنى مشاركتنا بآرائك ومقترحاتك لتطوير المنتدى هذا بالاضافة الى تشريفنا بستجيلك معنا لتكن استفادتك اكبر واكثر عمقا

دكتور / إسماعيل عبد المالك محمد إسماعيل

رسائل وأبحاث ومقالات علمية, شعر وخواطر وقصص قصيرة , مقالات أدبية , جمعية خريجى المعهد العالى للتعاون الزراعى, دكتور اسماعيل عبد المالك
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 وعــــــــــــــــــــــــــــــــــــــــــــــــــــــد

اذهب الى الأسفل 
كاتب الموضوعرسالة
حسن محمود
عضو نشيط
عضو نشيط
avatar

عدد المساهمات : 88
تاريخ التسجيل : 08/05/2011

مُساهمةموضوع: وعــــــــــــــــــــــــــــــــــــــــــــــــــــــد   السبت نوفمبر 05, 2011 11:16 pm

وعد

مش هزعل تاني قلبك
مش هقولك كلمة تجرح
كل همي م النهارده
ان قلبك تاني يفرح
وان ايامك تخضر
تتملي فرحه وسعاده
تتملي اغصان جميله
طيرها يكتر كل ماده
مش هزعل تاني قلبك
مش راح احلف باليمين
لما قلبك مني يزعل
يبقى يفرح بس مين
دانت ساكن نبض قلبي
جوة مني فى العروق
وانت كل الناس دي عندي
وانت لحياتي الشروق
وانت مش هقدر اقولك
انت ايه بالنسبه ليا
انت فوق الكل ساكن
انت حاجه مش عاديه
نفسي يوم قلبي يجيلك
واقبله مني هديه
وابقي دوَّر جوه منه
حاجه واحده ساكنه هيه
هيه انت وانت بس
ياللي بحنانك بحس
ياللي فى غيابك بخس
مد ايدك امسك ايدي
واختبرلي النبض جس
راح تلاقى ف نبضي انت
راح تلاقى كل حته
شكلها من شكلك انت
ياللي ساكن كلى انت
ياللي مالك كلي انت
مش هزعل تاني نفسي
اصل نفسي هيه انت
والسماح انا طالبه منك
خلي وردي يومها يطرح
كل همي م النهارده
ان قلبك بس يفرح
وابتسامتك فوق خدودك
نفسي اشوفها كل يوم
نفسي اشوفك كل لحظه
وانتي خالي م الهموم
يومها اصلب ضهري تاني
واقدر اتحرك واقوم
وامشي واجي لحد عندك
واعترفلك بالوداد
واعتذرلك عاللي فات
واوعدك ما ف يوم هتزعل
او هقولك كلمه تجرح
يبقى يومها كل همي
ان قلبك بس يفرح


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وعــــــــــــــــــــــــــــــــــــــــــــــــــــــد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دكتور / إسماعيل عبد المالك محمد إسماعيل :: إلا الشعر يا مولاى :: الشاعر حسن محمود-
انتقل الى: