حسن محمود
عضو نشيط
عدد المساهمات : 88
تاريخ التسجيل : 08/05/2011
 |  موضوع: رساله إلى حبيبتي  السبت أكتوبر 22, 2011 9:06 am | |
| رساله الي حبيبتي
بقلم / حسن محمود محمد
حبيتك وبحبك
وهفضل احبك طول العمر
اهتف باسمك واحفر رسمك
جوه ف قلبي باقي الدهر
كنت زمان مفهمش المعنى
لما يقولو ... عاشت مصر
واما كبرت شربت حنانك
عشت سعيد جوه ف أحضانك
شفتك واقفه وماليه مكانك
تشهد ليكي شعوب العصر
زدتي وزاد حبك ف كياني
نفسي أضمك بين أحضاني
واهتف كل الناس سمعاني
كلى حماس "آي لف يو مصر "
أما صفاتك ماليه حياتك
لو هنعد ما نلقاش حصر
قوة شجاعه الناس عارفين
نصرك ف 73
أعدائك أول شاهدين
دي شهاده تعلمنا الفخر
جبتي العلما وجبتي أطبا
جمعتينا بقينا أحبه
واسمك بيونس ف الغربه
كل صباح أناديكي يا مصر
علمتينا الوحده كفاح
ولا سبتينا ف ليل وصباح
خليتي حياتنا أفراح
زي ملوك عايشين ف القصر
ازاي بس نرد جميلك
مهما نلف لازم هنجيلك
بالعلم وبالروح والهمه
راح نبدر ف الصحرا نخيلك
وانا عن نفسي وعهد عليا
مهما ابعد عنك واتغرب
لازم هرجع تاني واجيلك
قبل الناس هجري وهقرب
وارفع علمك فوق الدنيا
وبأحلى كلام لازم اقولك
حبيتك يامه وبحبك
هفضل احبك طول العمر
أمي يا غاليه عليا يا مصر
أمي يا غاليه عليا يا مصر | |
|
