بقى هى دى الأصول

بقى هى دى الأصول

يغضب ويعند كده على طول
ويشمت كل غريم وعزول
بعد ماقاللى كلام معسول
خلا دموعى نازلة سيول
بقى هى دى الأصول
أطبطب ودادى عشان حبه أنول
يهجر ويبعد ومانولش القبول
خد عقلى منى خلانى مذهول
يوم فى الطالع ويوم فى نزول
بقى هى دى الأصول
من يومى شيال الحمول
وشوفت معاه كل الفصول
جربت بدل الحل حلول
زرعت فيه المحبة والقسوة هى المحصول
بقى هى دى الأصول
بعت له ميت مرسال ورسول
عشان كل اللى بيننا يزول
سابهم واتكلم فى المحمول
وقطع الود الموصول
بقى هى دى الأصول
ده بيعمل بدل الفصل فصول
يبقى ده معقول
واحن إليه واعاتب فيه يعمل مشغول
أتاريه غدار يلعب بالنار خلانى أقول
بقى هى دى الأصول