صفحة فى حياتي

صفحة فى حياتي

علمت فيا علامات كتير أنا مش ناسيها
وعملت فيا حاجات كتير كنت مداريها
أتاريك بطبعك غدار كبير وانت ناويها
كنت حياتى.كنت آمالى.كنت عينيا اللى بشوف بيها
كنت النسمة كنت البسمة.كانت الدمعة معاك بخفيها
ياما قالوا عنك كلام.وانا كل كلمة عليك بنفيها
ضيعت أحلام عمرنا ،ونفسك جنيت عليها
دلوقتى راحت دمعتى ،وزرعتك روح اجنيها
النار بتزيد فى قلبى ،وانا قادرة إننا أطفيها
ماتفتكرش إن دمعى ينزل على الأرض يرويها
ده جرح عدى وانتهى ،ونفسى منك حداويها
دى صفحة عدت من حياتى أنا حطويها
ربنا يعوض عليا ،وعنك ربنا يغنيها