ارحمونا يا حضرات
دبلومات دبلومات
سكنوا فينا الشتات
اسألوا بنين أو بنات
مدرسين أو أبلوات
هيقولولكم وف ثبات
نحن نبحث عن ممات
واما تفتكر المقرر
هيقولولك ياللا هات
بس تحذف خلي منه
صفحة واحدة أو تلات
واللي حامل واللي شايل
واللي حظه تعيس ومايل
جاي يدور عن عروسة
والفلوس تعمل عمايل
جه لقاهم أبلوات
قربوا على الممات
قال قطيعة وألف نيلة
ربي يرزقنا الثبات
***
واللي زهقت من راجلها
قالت ارتاحلي يومين
لِبست الطقم الملعلع
عاملة رايحة للحسين
بهدلة في المكروباص
واللي راح منها المداس
واللي كعب الجزمة ضاع
راح وراح وياه الحماس
***
واللي طالبة العلم كله
بالأجندة والكتاب
والقلم ألوان كتيرة
والورق يادي العذاب
رجعت الكلية تاني
بعد ما نسينا الكتاب ؟
بس نطلع وبنتيجة
حتى مقبول أو مواد
***
واللي عامل فيها عنتر
جاي حاجز مكروباص
يوم وعدى قرب آخره
جاب في آخره وقال خلاص
سب نفسه ويا يومه
ويا سواق ويا ناس
يومها حرم يئذي نفسه
أو يذاكر دبلومات
***
ارحمونا يا حضرات
أصل كل احساسنا مات
واللي عربي وانجليزي
أو علوم ،باقي المواد
ندعي رب كريم وسامع
يلغي كل الدبلومات
موضوع: ارحمونا يا حضرات 
الخميس مايو 05, 2011 10:22 pm